nevigation bar

Friday, February 19, 2016

දස්කොන් ..මා..



අහිමි බව නොදැනම නොවේ
එදා නුඹ හට පෙම් කළේ
අසම්මත පෙම්වතෙකි මා නම්..
නුඹට  බිසවුනේ


දහසකුත් අඟනුන් ලොවේ
දැකල ඇති නෙත් දෙක මගේ ..
අනුන් සතු නුඹ ළඟම විතරයි
මගේ හදවත නැවතුනේ

තබා උගසට දිවි මගේ ..
පෙම්කළේ නුඹ හට ළඳේ
එහෙව් මා අතහැර යන්නේද  …
ලොවේ ගැරහුම් ඉදිරියේ

චපල නුඹෙ හදවතට
පෙම් කරල දිවි පිදුවනේ
නුඹ ගැනම විතරමයි හිතුවේ ..
මැරෙද්දිත් දස්කොන් නුඹේ

පෙම් කළා නම් එක වගේ ..
වෙන්කරද්දී හිස මගේ
රජුගෙ දෑතේ පැටලිලා නුඹ
හිනැහුනේ කොහොමද අනේ ..

නැහැ පුදුම ගැන අනේ
එයයි සොබාව මේ ලොවේ
පහත් තැනකින්මයි ගලන්නේ ..

හැමදාම ලෝකයෙ ජලේ

                  **අකලංක**
Post a Comment